Faa’idooyinka Saliida Kaluunka/Malayga

     Saliida Kaluunku Waa mid ka mid ah waxyaabaha la isticmaalo kuwooda uga faa’idada badan.

Waxaanay qani ku tahay Omega 3 Fatty Acid, Oo U wanaagsan caafimaadka.

Haddii aanad cunin saliida kaluunka, waxa kaaga filan inaad isticmaasho dawooyinka laga sameeyey si aah u hesho in kugu filan oo ah omega 3 fatty acids.

     Saliida Kaluunku waa dux ama saliid laga soo saaro nudaha kaluunka.

Haayada caamifaadka ee dunida WHO waxay soo jeedisay in isbuucii/todobaadkiiba mar ama laba jeer la cuno si looga helo faa’idooyinka caafimaad ee ku jira ka hortagna u noqon kara tiro xanuuno ah.

Saliida Kalluunka

  1- WADNAHA

     Saliida kaluunku waxay hoos u dhigtaa qaar ka mid ah xanuunada wadnaha lala xidhiidhiyo. Balse ma jiraan waxyaabo cadaynaya inay ka hortagi karto xanuunada sida, wadno istaaga iyo faaliga ama Shalalka.

  2- MASKAXDA

     Maskada aadamuhu waxay ka sameysan tahay 60% dux in badan oo ka mid ahina waa Omega 3 Fatty acids.

Sidaa darteed xanuuno badan oo maskaxda ku dhaca waxaa la arkay in ay natiijo wacan oo horumar ah ay ka soo baxday ka dib isticmaalkeeda.

3- BUURNIDA/CAYILKA

     Buurnida ama cayilka, waxa lagu qeexaa marka halbeega lagu cabiro miisaanku uu ka kor maro 30 BMI.

Sidaa darted waxay sabab u noqon kartaa, xanuunada wadnaha, macaanka nooca labaad iyo kanserka.

Saliida Kaluunku waxay yareysaa cabirka dhexda, marka la barbar dhigo cunada dheeliga tiran iyo jimicsiga.

 4- INDHAHA

     Sida ay maskadu ugu baahan tahay saliida kaluunka ayey indhuhu ugu baahan yihiin, waxaana ku jira Vitamin A.

Waxay ka hortagtaa xanuunada indhaha ku dhaca.

 5- BARARKA JIDHKA

     Saliida kaluunku waxay si xoogan uga hortagtaa bararka jidhka waxaanay yareysaa calaamadihiisa, gaar ahaana ka isgoysyada ee roomatisanka loo yaqaan.

6- MAQAARKA

     Maqaarku waa xubinta ugu weyn jidhka waxaana ku jira xadi badan oo ah omega 3 fatty acids.

Maqaarku wuxuu isbedelaa amaa dhalan rogmaa marka uu gaboobo ama cadceed badani ku dhacdo.

Haddaba, qaadashada saliida kaluunku waxay inaga caawisaa sidii aynu u heli lahayn maqaar caafimaad qaba.

7- UURKA/ILMAHA

     Omega-3 waxay ,mihiim u tahay hooyada uurka leh iyo ilamaheeda si uu koro. Waxay kobcisaa garaadka iyo kana cawisa aqoonta.

 8- BEERKA

     Xanuunada beerka ku dhacaa waxay ku badan yijiin dadka  buuran ama cayilan. Haddaba, saliida kaluunku waxay hoos u dhigtaa beerka subaga.

9- ISKU-BUUQA/BUUFISKA

     Waxa la saadaalinayaa in 2030 ka uu noqon doono xanuun sabaha labaad ee ugu badan. Sida la ogaadayna  dadka uu hayo waxa ku yar dhiigooda omega 3.

10- HAB-DHAQANKA/QAL-QAALIGA

     Qaadashada Omega 3, ayaa hoos u dhigta qalqaaliga iyo habdhaqanka xun ee caruurta, xilliga waxbarashada iyo koriinka.

              11- ILAWGA

     Dadka qaata saliida kaluunka ayaa la ogaaday inay ka badbaadaan hoos u dhaca xasuusta ama ilawga marka ay da’a noqdaan.

             12- XIIQDA/XASAASIYADA

     Cunida xadi badan oo kaluun ah, ama saliida kaluunka ah xilliga uurka ayaa la ogaaday in caruurnimada ay kaa badbaadin karto xiiqda ama xasaasiyada.

            13-LAFAHA

     Saliida kaluunka waxaa ku jirta macdano iyo vitamin badan sida Calcium iyo Vitamin D oo u wanaagsan lafaha.