Inaad
Cuntada bad-badasho iyo inaad sameyso
jimcsi oo aad qorshaysato, waa mid adag.
Si kastaba,
waxa jira cadaymo kala duwan kuwaas oo kaa caawin doona inaad cunto xadi aan
badnayn oo kaalori ah si sahlan.
Waa
mid waxtar leh oo shaqynaysa lana tijaabiyey waxaanay hoos u dhigi doontaa
miisaanka, sidoo kalena waxay ka hortag u noqon karaa miisaankaagu inuu kordho
mustaqbalka.
Halkan
waxan ku soo gudbin doonaa 9 hab oo miisaanka loo rido adoon badalayn cuntada
ama aan sameynay wax jimics ah.
Dhamaantoodna
waxay ku salaysan yihiin, baadhitaano cilmiysan oo la sameeyey.
1- Calaaliska Yaree
Maskaxdu
waxay u baahan tahay wakhti xilliga
cuntada, si aad muddo kugu filan u cuntid.
Calaali
cuntada si taxadar leh tani waxay kuu saamaxaysaa inaad si aad yar ah aad u
liqdo cuntadaada, waxaanay hoos u dhigaysaa inaad cunto badan qaadato, sidoo
kale waxay sare u qaadaysaa inaad dareento inaad dharagtay iyo wax yar inaad
cunto.
Badhitaano
dhawaanahan la sameeyey ayaa lagu sheegay in dadka deg-dega wax u cuna
miisaankoodu uu kordho, marka loo eego
dadka qunyar ama aad yar wax u cuna.
Sidoo
kale dadkaasi waxay noqdaan kuwo aad u buuran/cayilan.
2- Weel Yar Isticmaal
Ku
cunida bilaydh yar waxay maskaxdu ka fekeraysaa inaad cuntay caadiyan intii aad
cuni jirtay in ka badan.
Sidaas
awgeed marka loo fekerayo si hufan, qaadashada cuntooyinka aan caafimaadka u
wanaagsanayn, waxa haboon in la siticmaalo weel yar, waxaanay sabab u
noqonaysaa inaad in yar cuntid.
3- Cun Xaddi Badan OO Boratiin Ah
Marka
laga hadlaayo booratiinka, waa mid saameyn awood badan ku leh xaga amateedka.
Tanina
waxay sare u qaadaa inaad dareentid dharag, hoosna ay u dhigto gaajada iyo inay
kaa caawiso cuni taanka waxoogaa kaalori ah.
Cilmi-baadhis
la qaaday ayaa lagu ogaaday, in kordhinta qaadashada booratiinka 15% illaa 30%
kalorii ah ay kaa taageeri doonto misaan dhimista, waxaana ka qeyb galay 441
qof oo qadar yar oo kaalori ah qaadanayey maalin kasta, waxaana ka dhacay 11 kg
muddo 12 isbuuc ah, iyadoo aanay jirin wax cunto ah oo si gaar ah loogu diidayo
in la cuno.
Inaad
ku darto cuntadaada booratiin waxa si weyn loola xidhiidhinayaa inay rido
miisaanka, xitaa jimicsi adoon sameyn ama isku hawlin inaad yareyso hanaanka
aad wax u cunto.
4- Ka
Fogow Cuntooyinka Qaar
Waxa
la soo jeedinayaa inaad ka Dheeraato meelaha aad ka arki karto cuntooyinka aan
caafimaad u roonayn, kuwan oo sare u qaadaya gaajada sababana inaad wax badan
cunto.
Tana
sidoo kale waxa lala xidhiidhiyaa in miisaanka ay kordhiso iyo cayilka/buurnida
xad-dhaafka ah.
Waxaana
wanaagsan inaad kaydasato cuntooyinka caafimaadka u waxtarka u leh, sida midha
iyo khudaarta, gaar ahaana meesha ishaadu ku dhacayso.
5- Cuntada
Feybarta Leh
Cunitaanka
cuntooyinka feybarta ku qaniga ah, waxay kaa taageeraysaa inaad dharag dareento
wakhti dheer.
Daraasad
la sameeyey ayaa muujisay qaadashada cuntada feybarta leh, ay miisaanka rido.
Waxa kale oo ay yareysaa wax cunista.
Cunitaanka
feybartu waxay hoos u dhigtaa in nafaqada dheefshiidku nuugo, waxaana ka mid
biiniska, iyo boorashka.
Feybartu
waxay hoos dhigtaa, dheefshiidka.
6- Joogtee
Biyo Cabida
Cabitaanka
biyuhu waxay kaa caawineysaa inaad wax yar cuntid iyo miisaan dhimida, gaar
ahaan cuntada ka hor.
Cilmi-baadhis
la sameeyey ayaa hoosta ka xariiqday cabida litir badhkii oo biyaha cuntada ka
hor 30 daqiiqo ay hoos u dhigto gaajada
iyo qaadashada kaalori badan.
Ku
badelida sharaabada sonkorta leh biyo waa faaido weyn.
7- Ha Adeegsan Electroniga
Inaad
Mudnaanta siiso waxa aad cunaysid waxay
kaa caawisaa inaad wa xoogaa aan badnayn oo kaalori ah inaad cuntid.
Waxa
la ogaaday dadka xilliga au wax cunayaan daawada telefeshnka, moobilkaaga, kombuyuutarka ama ciyaaraya gameka ay qaataan xadi badan oo
cunto ah.
Ka
foognaanta cuntada aad cunaysid, waxay kaa caawinaysaa inaad wax yar cuntid iyo
inaad miisaanka ridid.
8- Hurdada Iyo War-warka
Marka
caafimaadka laga hadlayo badanaa dadku waxay is-diidsiiyaan in xidhiidh ka
dhaxeeyo hurdada iyo war-warka.
Balse,
xaqiiqdu waxay tahay inay saameytoodu ay sareyso, marka la eego amateedka iyo
miisaanka.
Yaraanshaha
hurdada iyo sare u kaca heerka war-warku waa halis caafimaad oo keeni karta
xanuuno kala duwan sida macaanka noociisa 2aad iyo buurnida ama cayilka
xad-dhaafka ah.
9- Shaarbaka Sonkorta Leh
Sharaabada/cabitaanada
sonkorta leh waxa lala xidhiidhiyaa inay halsitoodu sareyso marka laga hadlayo
in miisaankaagu kordho iyo weliba xanuunada.
Ku
badal sharaabada kuwaas oo caafimaadka u wanaagsan, sida biyaha, kafeyga iyo shaaha cagaaran.
Sidee ugu fudud ee miisanka iskaga jaraa
ReplyDelete