Daryeel Caafimaad: Sinjibiisha Oo Dawo Ka Noqotay Xanuuno Khatar Ah!

Muuqaalka Sinjibiisha

Sinjibiishu waa geed gaab kuwa caleenta leh, waxaana la isticmaala xididkiisa iyadoo loo adeegsado in cuntada lagu macaaneeyo amaba lagu ud-gooneeyo, waxaana sidoo kale loo isticmaali jiray dawo ahaan taariikha hore Ugu dhawaana 5000 sanno ka hor.

Geedkan ayaa markiisii hore lagu arkay asal ahaan koonfurta dal weynaha shiinaha, dabeedna waxa uu u gudbay dalka Hindiya, waana halka la rumaysan yahay inuu ka soo galay qaarada Afrika iyo Yurub oo ganacsi xoogani kala dhexeeyey Hindiya wagaas.

Sijbiisha waa la isticmaali karaa haddii ay qoyan tahay, qalalan tahay, haddii la ridqo, haddoo sallid laga dhigo, iyo haddii miiro intaba, mararka qaarkoodna waxaa lagu daraa cuntooyinka la warshadeeyo iyo waxyaaba la isku qurxiyo qaarkood.

Balse, waxay caan ku tahay cuntada oo lagu daraa.

Sinjibiisha waxaa ku jirta maadada Gingerol oo mihiim u ah caafimaadka.

1- Yalaalugo/La-labo

Sinjibiisha ayaa ka dawo ah yaalugada/la-labada sida lagu xaqiijiyey cilmi-baadhisyo la sameeyey oo ay ka qeyb galeen 1,278 haween oo uur leh, waxaana la ogaaday in isticmaalkeedu u hoos u dhigo yalaaluga/la-labada xiliga uurka, laguma sheegin cilmi-baadhista in sinjibiishu ay mataga ka dawo tahay.

Qaadashada xaddi ah 1-1.5 gram oo sinjibiil ah, waxay ka hortagtaa, noocyada yalaluga/la-labada ah.

Sida, ta walaca, qaliinka ka dib, iyo dawooyinka kiimikada ah.

2- Murqa Xanuunka

Isticmaalka sinjibiisha ayaa hoos u dhiga murqo xanuunka, qaadashada xadi ah 2 gram maalin kasta, ayaa maalinba maalinta xigta hoos u dhigi karta murqo xanuunka, waana mid saameynteeda leh.

Gaar ahaana, waxay dawo ka tahay murqo xanuunka la dareemo xilliga jimicsiga.

3- Lafaha

Xanuunada lafaha iyo is-goysyadu waa xaalad caafimaad.

Cilmi-baadhisyo la qaaday ayaa hoosta ka xariiqday in qaadashada sinjibiishu ay tahay dawo xanuun baabiye oo waxtar leh.

Waxaanay la mid tahay dawooyinka xanuun baabiyaha ah sida, Ibuprofen.

4- Sonkorta

Waa baadhis weli cusub, balse sinjibiishu waxay leedahay astaamo awood badan oo ay kaga hortagi karo cudurka macaanka.

Cilmi-baadhis la qaaday sannadkii 2015 kii oo ay ka qeybgaleen 41 qof oo qaba macaanka noociisa 2 aad oo qaadanayey 2 gram maalin kasta ayaa la arkay iyada oo hoos u dhigaysa sonkorta dhiiga ku jirta.

5- Dheefshiid-Xumaddxda

Sinjibiishu waxay u muuqataa inay sare u qaado faaruqinta caloosha cuntada ka dib oo dadka qaarkood kala kulmaan calool xanuun haddii cuntada la burburin waayo, waxaanay faa’ido u tahay dadka ka cawda dheef-shiid xumada iyo xanuunada caloosha lala xidhiidhiyo.

Daraasad la sameeyey ayaa lagu ogaaday qaadashada 1 gram oo sinjibiil ah oo la ridqay cuntada ka hor in ay muhiim u tahay caafimaadka caloosha iyo cuno burburnta.

6- Caadada

Sinjibiishu waa mid ka mid ah dawo dhaqameedka xanuun baabiiyaha gaar ahaan xilliga caadada haweenka.

Gaar ahaana maalmaha ugu horeeya.

7- Xanuunada Wadnaha

Waxa jira waxyaabo cadaynaya in sinjibiishu ay hoos u dhigto LDL Cholesterol oo sabab u noqon karta xanuunada wadnaha.

Tijaabo lagu sameeyey 45 maalmood oo xidhiidh ah, 85 qof oo dhiigooda ay ku badan tahay LDL Cholestrol, qaadanayeyna maalintii 3 gram oo sinjibiil ah ayaa la arkay inay hoos u dhigtay.

8- Kanserka

Sinjibiisha waxa ku jirta maado la yidhaahdo gingerol, waxay ka hortag wax ku ool ah u tahay faafitaanka cudurka kansarka.

9- Makaxda

Sida lagu sheegay daraasado kala duwan oo la sameeyey, sinjibiishu waxay ka hortagtaa hawl gabka maskada, iyo dhaawaca unugyada maskada ee ay sababaan oxidative stress, waxaana sinjibiisha ku jira maadooyinka antioxidants iyo bioactive.

Sinjibiishu waxay sare u qaadaa shaqda maskada, sida xasuusta.

10- Infekshanka

Maadada Gingerol oo laga helo sinjibiisha waxay ka hortagtaa caabuqa/infekshanka, waxaanay awood badan tahay xilliga ay qoyan tahay isticmaalkeedu.

Waxa hubaal ah inay ka hortagto koriinka bakteeriyada noocyadeeda kala duwan.

Waxaanay dawo u tahay xanuunada afka ku dhaca, gaar ahaan ciridka.