Faa’idooyinka Caafimaad Ee Laga Helo Liin Dhanaanta Iyo Biyaha Diiran Oo La Isku Qasay

1-  Habdhiska Difaaca

Marka laga la yimaado in liin dhanaantu ay qani ku tahay xadi badan oo faytamin C ah, waxay ka hortagtaa in uu diciifo habdhiska difaaca ee jidhku si aanu ugu nuglaanin xanuunada.

2-  Dheelitirka PH

Cabida liin dhanaan la miiray oo lagu daray biyo diiran subax kasta waxay kaa caawinaysaa joogtaynta isu dheelitirka aysiidha iyo baseka.

3-  Infakshanka/Bakteeriyada

Midhaha liin dhanaanta oo la miiray, waxay leeyihiin astaamo awood badan oo ay iskaga caabiyi karaan bakteeriyada, isticmaalka liin dhanaantu waxay kaa caawin kartaa inay la dagaalanto infekshanka.

4-  Sunta

Midhaha liin dhanaanta oo lagu daray biyo diiran oo kuleyl xiga, waxay awood u leeyihiin inay jidhka ka saraan suntan ku jirta.

5-  Dheefshiidka

Liin dhanaanta iyo Biyaha diiraan oo la isku qasay si wanaagsan oo taxadar leh, waxay sare u qaadaan caafimaad habdhiska dheefshiidka.

6-  Macdano Iyo Faytamiino

Cabitaanka Liin dhanaanta iyo biyaha diiraan, marka laga yimaado inay liintu qani ku tahay faytamiin C waxa kale oo ku jira macdano badan oo mihiim u ah caafimaadka sida, potassium, calcium, phosphorus, magnesium iyo kuwo kale oo badan.

7-  Dureyga/ Hargabka

Liin dhanaanta iyo biyaha diiran ee la isku qasay waxay la dagaalamaan durayga ama hargabka.

8-  Maqaarka/Dubka

Liin dhanaanta lagu daray biyo kuleyl xigeen ah sida la tijaabiyey, waxay dawo u tahay xanuunada maqaarka ku dhaca iyo isbedelada qaarkood sida finanka wejiga iyo maqaarka oo lab-laabma.

9-  Miisaan Dhimida

Liinta la miiray ee lagu daray biyaha diiran ee qandaca ahi waxay xal u tahay buurnida ama cayilka, waxay sare u qaada shaqada dheefshiidka iyo habka cuno burburinta.

10-              Beerka

 Liin dhanaantu waxay ka caawisaa beerka ina uu saaro sumaha, beerku waa xubinta jidha u qaabilsan in jidhka noolaha laga saaro sumaha.

11-              Bararka

Liin dhanaatu waxay ka hortagtaa, infekshanka habdhiska neef mareenka ku dhaca, cuno xanuunka iyo xoqado oo qofka barara.

12-              Isgoysyadda/Murqaha

Biyo diiraan oo lagu daray liin dhanaanta oo la miiray, waxay inaga saacidi kartaa inay hoos u dhigto kaarka murqaha  iyo isgoysyada.

13-              Ilkaha/Ciridka

Joogtaynta Cabitaanka liin dhanaanta oo lagu qasay biyo diiran, waxay ka hortag fiican u tahay sida lagu xaqiijiyey cilmi baadhisyo kala duwan oo la sameeyey, ilko xanuunka iyo xanuunada ku dhaca ciridka.

14-              Fuuq-Baxa

Liin dhanaan iyo biyaha diiran ee la isku milay, waxay ka hor tagaan fuuq-baxa jidhka, waxaanay joogteeyaan macdanaha kala duwan ee ku jira dhiig wareega.

15-              Mindhicirada

Liin dhanaanta Oo biyo diiran lagu qasay waxay kaa caawin kartaa joogtaynta shaqada mindhicirada iyo dhaq-dhaqaaqiisa si caadi ah.

Talo Siin:

Fadlan Kala Tasho Arimahan Qof Aqoon U Leh Caafimaadka, Ka Hor Inta Aanad Isticmaalin, Laga Yabaa Inaad Xasaasiyad Ku Leedahay Ama Aad Dhib Kala Kulantid.

©Daryeel-Caafimaad.com